مدونة رامي رؤوف حليم

سكان الانترنت ومحبي التعلم.. هنتكلم في الحلقة دي ازاي نستعد لو الموبيل اتسرق او ضاع او اتخاذ غصب عننا عشان نحمي اي حاجة شخصية عليه من سوء الاستخدام. مهم نفتكر في مجال الحماية في أنواع مشاكل لها حلول تنفع قبل وبعد ما تحصل، وفيه انواع مشاكل لازم نحضر الحل احتياطي قبل ما تحصل، لو حصلت بدون الاستعداد للاسف مفيش كتير ممكن نعمله. انا اسمي رامي رؤوف بقدم برنامج حماية سمارت عالواقف. الحلقة كاملة - يلا دوس بلاي: View this post on Instagram A post shared by Ramy Raoof رامي رؤوف (@ramycarmella) # فيديوهات حلقات سابقة: حلقة 10 | 6 خطوات حماية حسابات تويتر من الاختراق https://www.instagram.com/tv/CQjK9jLorty   حلقة 9 |  3 طرق لزيارة مواقع محجوبة من اللابتوب https://www.instagram.com/tv/CQZMU7LIsvA القناة https://www.instagram.com/ramycarmella/channel

على مستوى العالم الأبحاث العلمية بتقول إن في 25 طريقة فنية في حجب المواقع في آخر 15-20 سنة  على مستوى العالم. الأبحاث كمان بتقول إن مصر فيها تقريبا 12 نوع منهم على مدار آخر 3-4 سنين. مستخدمي الإنترنت في مصر محتاجين يتعرفوا على تقريبا 5 أو 7 طرق ونصائح للوصول للمواقع المحجوبة والتعامل مع الحجب بسلاسة. خلينا نفتكر تنفيذ الحجب مش زي بعضه في كل مدن مصر. حجب المواقع في القاهرة غير إسكندرية غير المنصورة غير أسوان، ده معناه ان تجاوز الحجب والحلول تختلف من شخص للتاني حسب هو أو هي في أي مدينة وعلى أي شركة. خلونا كمان نفتكر لعبة الحجب عاملة زي كرتون توم آند جيري. يلا نتعرف على 3 طرق لتجاوز الحجب من على اللابتوب. 1. اول طريقة: موقع ترجمة جوجل  2. تاني طريقة: موقع بروكسي  3. تالت طريقة: متصفح تور  #حماية_سمارت_عالواقف View this post on Instagram A post shared by Ramy Raoof رامي رؤوف (@ramycarmella)

  دي أول مرة ليا أقرر احكي أونلاين عن تروما\صدمة شخصية مريت بيها عن تجربتي القصيرة مع حبس انفرادي وتحقيق طويل ومحاكمة أمنية حصلت في ساعة زمن بالفاكس - الحكي على اد ما اقدر ومحدش يسألني أي سؤال: اتقبض عليا في مطار عاصمة عربية فور عودتي من رحلة أكاديمية في كندا. في الفترة دي كنت مقيم في مدينة عربية وعندي إقامة فيها وبشتغل مع منظمات حقوق إنسان وصحافة، وكنت في نفس الوقت بعمل زمالة كباحث أكاديمي في جامعة تورنتو. كنت بتنقل عادي دخول وطلوع من المدينة بدون مشاكل وسافرت كتير. فجر يوم الأربعاء 30 مايو 2018 كنت راجع من رحلة عمل وعلى الفور بمجرد فحص جواز سفري تم استدعاء الأمن واتقبض عليا، وعرفت ان تم اضافة اسمي على قوائم ترقب وصول، حصلي تفتيش ذاتي مفصل، فحص جميع الالكترونيات والمقتنيات، سابوني على الأرض في زنزانة صغيرة لوحدي بكلبشات وعينيا متغمية. بعد عدد من الساعات، طلعوني على غرفة تحقيق، شالوا الغماية والكلابشات، وتم التحقيق معي تقريبا 8-10 ساعات بواسطة 7 ضباط ورا بعض - كنت ممنوع من المياه والأكل والحمام من لحظة القبض لغاية انتهاء التحقيقات، اللي كانت عن مجمل شغلي ما بين 2016 و2018 في المنطق...

سكان الانترنت ومحبي التعلم.. ببدأ مبادرة جديدة أونلاين للصغار والكبار لتعميم الحماية في عالم الانترنت والموبايل، اسمها  حماية سمارت عالواقف عبارة عن: أولا - فيديوهات : على انستجرام، كل حلقة أقل من 6 دقائق بتكلم في موضوع معين. ده رابط القناة . ثانيا - أجزاء : نصائح مكتوبة ببساطة عن الحماية تساعدنا نفهم أكتر ونقلل المشاكل. كمان على انستجرام ، زي كده: أتمنى المحتوى يكون مفيد، شاركوا مع الصحاب والعائلة :)

Aysha for Kids ألفبائية عربي - المصدر أول مرة بدأت مدونة كان في 2007.. كان عندي دوافع كتير وشغف كبير إني ابدأ رحلتي. توقفت في صمت في 2016. الفترة دي أدركت إن عندي دوافع أكتر وشغف أكبر إني ارجع للتدوين... أهلا بيكم في مدونتي بعد إعادة إحيائها في حلتها الجديدة https://www.ramyraoof.net

To all my journalist friends, tech and human rights researchers and those working to expose surveillance: i am releasing this for public benefit. Feel free to reuse, research, recycle, double-check, localize, publish. Don't ask me for further details. When i can, more to follow. No Copyrights.  إلى الأصدقاء في مجتمع الصحافة والاعلام، والباحثين في مجال التقنية وحقوق الإنسان، والمهتمين بشئون المراقبة: أتيح إليكم اليوم خريطة علاقات بين قطاع الأمن في مصر (لون بني) وشركات محلية تقنية عاملة في مجال المراقبة بالبلد (باللون البرتقالي) ودولية (باللون الأزرق)، على مدار عشرةأعوام 2005 - 2015. لكم مطلق الحرية فيما يلي: إعادة الاستخدام، البحث، التدوير، التحقق، التوطين، النشر. بدون سؤالي عن أي معلومات إضافية. أتيحها بلا ملكية فكرية - منفعة عامة. Download Link:  https://flic.kr/p/2m2UoBk