Skip to main content

حائز على جائزة البوبز العالمية ﻷفضل نشاط رقمي 2016

أعلنت مؤسسة دويتشه فيلا الألمانية عن فوزي بجائزة البوبز العالمية ﻷفضل نشاط رقمي 2016 (في فئة التكنولوجيا من أجل الصالح العام) عن عملي في مجال دعم الأفراد والمؤسسات في أمن المعلومات والخصوصية، والجائزة نتيجة اختيار وتصويت الجمهور. بفضل دعمكم حصلت على أعلى نسبة تصويت في جميع الفئات هذا العام: 9902. بشكل شخصي أشكر بشدة كل الناس والمؤسسات من مصر ولبنان والبحرين وسوريا والأردن وتونس وفلسطين والمغرب، والأصدقاء في باقي القارات والمجرات المجاورة، اللي دعموا وساندوا ترشيحي وبدونهم مكنش ممكن أفوز، ممتن جدا لكل مساعدة وجهد وكلمة.

بالنسبة لي أهمية التكريم السنة دي أنه تسليط ضوء على أهمية الحق في الخصوصية في كل حياتنا في ظل توسع ممارسات السلطات في خرق خصوصية المواطنين والمراقبة والتجسس اللي بتبهدل حياتنا وبتأثر على قدراتنا في التواصل والتعبير والتنظيم والمعرفة - سواء مراقبة محتوى واتصالات خاصة أو مراقبة محتوى عام بنقوله وبنتعاقب عليه. لغاية وقت قريب كتير منا كانوا بيحسوا "اننا مش مهمين" و"مش بنعمل حاجة خطيرة" ومع الوقت بدأنا ندرك ان كلنا بنتعرض لنفس المشاكل. ناس كتير في المعتقلات والسجون نتيجة تسلط الأنظمة والمراقبة مش لأي سبب سوى رأي مختلف شاركوه على نحو عام أو خاص. مش مفروض نخاف من رأي ومش مفروض حد يتحرم من حريته بسبب فكرة مهما كنا مختلفين، ومش مفروض يتحدد لنا قوالب ومعايير، والحقيقة مش مهم اصلا نتفق مع الناس عشان ندافع عن حقهم. حوالينا شباب جامعة بيتحبسوا.. محامين يطلعلهم ضبط واحضار.. صحفيين يجيلهم استدعاءات ويتهددوا.. إعلامين يتمنعوا من الظهور ويتسجل لهم مكالمات.. أكاديميين يتحرموا من ممارسة عملهم.. فنانين يتمنعوا من فنهم.. أدباء يتحبسوا.. سياسيين يتسجنوا واجتماعات تتراقب.. منظمات حقوق إنسان وحقوقيين يترفع عليهم قضايا.. باحثين يتمنعوا من السفر.. ناس تتوقف في الشارع والموبايلات تتفتش.. مش مفروض نتسامح ان المراقبة "عادي". حق الناس في الخصوصية في كل النطاقات جوهر أساسي ﻷي حياة ديمقراطية وتغيير اجتماعي، ومعركتنا في تغيير القوانين والأنظمة الأمنية والبنية التقنية للاتصالات منهكة جدا بس ممكنة. والحفاظ على خصوصيتنا على الانترنت والاتصالات كمان ممكنة جدا، ومن تعاون وشغل مع كل الناس بيتأكد لي اننا نقدر نغير ونعمل فرق برغم كل الصعوبات والتعثرات. الحق في الخصوصية هو حق أساسي، بصرف النظر عن احنا مين وبنعمل ايه. مرة ثانية باشكركم جدا على الدعم.

Popular posts from this blog

رحلتي في التعافي على مدار ٤ سنين

مفيش اي حد حقيقي هيساعدك غير نفسك.. صدقني مهما كان القاع مظلم وحاسس الحياة متهالكة احضن نفسك طمن نفسك وامسك ايدك خطوات صغيرة. ده عبارة عن مجموعة صور كل واحد بيحكي رحلتي في التعافي والصحة النفسية والبدنية على مدار اخر ٤ سنين عملت فيهم ٣ عمليات جراحية منهم اثنين في رجلي اليمين كان جالي كذا تمزق في الغضروف، واستئصال الزايدة لانها كانت على وشك تعمل بووم. كنت بعارف جامد مع الاكتئاب والتروما، وحالتي النفسية كانت متهالكة تماما ومعاها جسمي وروحي... [قضيت فترات بصلح جسمي] وزني وصل ١٢٥ كيلو على مشاكل غضروف وصدرية وكوليسترول، كنت دبدوب بكرش ثري دي بسند عليه الكيبورد والشاي. المهم، بدأت رحلتي في التعافي خطوات صغيرة، تكريس كل وقتي في تحسين وتطوير حالتي النفسية والبدنية ومعاها الروحانية.. مزيج من الرسم، والتليون، والرقص، والطبلة، والملاكمة، وتاي تشي، وسكاي دايفينج انا فتحت باب الطيارة ونطيت كذا مرة، وسباحة، وركوب عجل يوميا، وجري، وتسلق..  بس حقيقي من كل التجارب دي اكتر حاجة دخلت فيها بقوة ومزاج هي رياضة الكاليسثنكس، واهم حاجة عملتها اني اخدت التعافي بدوام كامل واقصى التزام اقدر عليه. مكنش ...
Read more

Few words on Encryption and Egypt

In dangerous times - whether during conflict, unrest, or disinformation - encryption isn’t a luxury. It’s a life-saving layer of security for individuals and societies. Weakening it doesn’t make us safer; it makes everyone more vulnerable. And no one is safe until everyone is safe. A few words on #encryption and #Egypt's context: 1. On decryption assistance mandates and Egypt’s context Decryption assistance mandates - as in forcing companies or individuals to provide access to encrypted data - don’t really function in practice, whether in Egypt or elsewhere. In Egypt’s case, we don’t see explicit legal mechanisms for ‘lawful access’ like those proposed in Western debates, but we do see functional equivalents through other means: broad surveillance powers, vague national security clauses, pressure on service providers, infrastructure ownership by the state, and granting isps and mobile operators secret licenses that gives the security full access to backend. There’s no clear overs...
Read more