وعدت نفسي من ٤ سنين لما بدأت رحلة التعافي من الاكتئاب ومشاكل بدنية اني أعيش باقي حياتي في سعي مستمر وراء الجمال والاتزان الذهني والبدني والروحي واهتم بالصحة الجسدية والغذائية والرياضية كل يوم كأسلوب حياة.. قررت اشتغل على نفسي شوية شوية واعمل كل حاجة عشان اعيش كل يوم احلى واجمل وبطاقة حب لنفسي وللحياة وابني الجسم والعقل اللى بحلم بيهم لباقي العمر… على مدار آخر ٤ سنين نزلت ٤٧ كيلو (كنت ١٢٥ والنهارده انا ٧٨)، مزجت رياضات مختلفة اتعلمتها دخلت في السباحة، الملاكمة، التسلق، سكاي دايفنج، ركوب أمواج، تجديف، فنون قتالية، وأكتر حاجة بقالي سنتين بعملها بانتظام كل يوم ٣ ساعات هي رياضة الكاليستنكس وركوب العجل. فخور جدا بكل خطوة صغيرة اخدتها جابتني هنا وفخور بكل حاجة قدرت احققها وممتن جدا لتوفيق ورعاية ربنا ونعمته والنتيجة الجميلة لرحلة التحول. اليوم عيد ميلادي البيولوجي ١٩٨٧/٧/٧ بالورقة والقلم عمري ٣٨ سنة وعلى مشارف الأربعينات… النهارده الصبح عملت المتابعة الدورية وفحوصات بدنية نتيجة كل المؤشرات الطبية طلعت بتقييم ان العمر البدني ليا ٣٥ سنة يعني جسمي ولياقتي والكتلة العضلية والقلب زي شخص أصغر مني بـ حوالي ٣ سنين، وتكوين جسمي وصحة الحرق والتنفس تقييمه زي حد عمره ٣٥ سنة مش حد داخل على الاربعينات يعني جسمي بيحرق كويس جدا ونسبة الدهون قليلة قوي. نتيجة جهد وتعب ونجاحات ومحاولات.. ممتن ومبسوط وان شاء الله مكمل في السعي وافضل حاسس اني كل ما بكبر بصغر.. هابي بيرث داي تو مي
* الصور ليا قبل ما ابدأ التعافي وخلال الرحلة لغاية امبارح، وكل حاجة حققتها طبيعي ١٠٠% الخسسان وبناء العضلات واللياقة والمرونة، بدون أي عمليات أو مكملات أو منشطات
