كل الحاجات في الصورة اعتمدت عليها على مدار اخر ٣-٤ سنين، وجبتها عشان ابدأ رحلتي في التعافي والتريض. ده ركن رياضة الكالستنكس اللي انا عامله عندي في البيت. للي يحبوا يبدؤوا دي الأدوات والفوائد من تجربتي.
قبل ما اخش في القائمة عايز بس اقول ملحوظة كل الحاجات متاحة بأسعار مناسبة وفي منها بدائل مختلفة في السوق.. اهم حاجة تمشي نفسك متخليش نقص اي حاجة يوقفك ومش لازم تجيب اغلى حاجة هات حاجات تبدأ بها التجربة ولو مشيت في الرحلة ٤ شهور تقدر تحسن من الجودة وهكذا.. استغل الموارد المتاحة معاك وخليك ملتزم وتوازن بين التريض والراحة.
آخر نقطة في اللستة جبتها بعد بناء خبرة سنة ونص عبارة عن جهاز طبي متخصص، مكلف شوية، ولكنه رهيب، بقترح برده مفيش داعي تجيبوه غير بعد الالتزام بسنة واحدة على الأقل في الكالستنكس وممكن تجيبه هدية لنفسك - هينقلك لمستوى ممتاز ويساعدك جدا جدا في السنة الثانية والثالثة ليك.
يلا نخش في الموضوع:
- دكة تمارين قابلة للتعديل 🛋️🏋️: بتتظبط حسب نوع التمرين، الدكة اللي في النص انا حاطط عليها قماش برتقالي للراحة، الدكة مثالية للبنش، البطن، والظهر.
- ملحق تمرين الرجلين 🦵⚙️: الجزء الأمامي للدكة، ممتاز لتمارين الرجل الأمامية زي leg extension.
- دمبلز (أوزان حرة) 🏋️♂️🎯: مجموعة دمبلز مختلفة لتقوية الذراعين، الكتفين، والجزء العلوي من الجسم. تقدر تستخدمهم في تمرين كل مجموعات عضلات.
- لوح تمارين الضغط (Push-Up Board) 🔴🟡🔵: لوح بألوان مختلفة حسب التمرين، بيشغل عضلات مختلفة في الضغط. اللوح فيه منه انواع كتير. بيستهدف الكتاف، الظهر، الباي والتراي، الدراعات. عموما لعب الضغط أساسي لبناء كل حاجة.
- رول فوم أسود 🌀🖤: أداة للراحة العضلية، رائعة لفك التقلصات وتحسين الدورة الدموية بعد كل تمرين وممكن أثناء الاحماء.
- شريط مقاومة أزرق وأخضر 🟩🟦🧘: مثالي الإحماء وتمارين المقاومة، خفيف وسهل الاستخدام بدرجات مقاومة مختلفة.
- سجادة تمرين أرضي 🧘♀️🧡: مريحة جدًا لليوغا، الاحماء، التمدد، تمارين البطن، وعليها ديزاين هادي وبيساعد الشخص في ضبط وضعيته بشكل سليم ومنتصف مساحته.
- مخدة برتقالي ناشفة ☁️🧡: للدعم في الجلوس أو التمدد، بتدي راحة لطيفة أثناء التمرين أو التأمل.
- كرة توازن زرقاء 🔵🤸♀️: ممتازة في تمارين التوازن والاحماء، البطن، وتقوية العضلات.
- جهاز قرفصة ثابتة📍: ده جهاز كارديو ثابت (وبدون كهرباء / بطاريات) بيحاكي وضعية السكوات (قرفصة) بيركز على الرباعيات أمامية فخذين - أوتار الركبة (خلف الفخذين) - الأرداف (العضلات اللي في المؤخرة) - العضلات الأساسية (البطن والظهر السفلي) - العضلات الداخلية للفخذين - عضلات الساقين (السمانة). الجهاز فيه منه اشكال كتير.
- أوزان حديد دائرية ⚙️🥇:براميل حديد، لزيادة المقاومة في التمارين.
- بار تمرين أرضي ➖💪: مثالي للعقلة، الضغط، dips، ولتمارين وزن الجسم المتقدمة.
- حبل نط بمقبض أحمر 🔴🪢: تمرين كارديو ممتع وسريع للحرق ورفع اللياقة.
- بلوك يوغا صغير 🧘♂️🟫: للدعم في تمارين التمدد واليوغا، وجلسات التأمل الهادية.
- رف خشبي صغير للتنظيم 🪵🧺: حافظ على تنظيم كل الأدوات الصغيرة.
- جهاز لوح اهتزاز طبي (VibroShaper) ⚡🧍♂️: يصدر اهتزازات قوية جدا متتالية، ممتاز في تحفيز العضلات وارتخائها، مفيد بعد كل جلسة تريض والصباح لبداية اليوم وقبل النوم، الاهتزازات عبر الجسم بتعمل تدليك المجموعات العضلية تساعد في الارتخاء والبناء . يساعد كمان في تمارين التوازن والليونة. و الفكرة كمان تلعب على اللوح تمارين اثناء الاهتزاز لزيادة المقاومة. دي اكتر حاجة غالية انا جبتها بصراحة من كل الحاجات كان اسعارها لذيذة، وجبت الجهاز ده بعد تقريبا سنة ونص خبرة بلعب كالستنكس.
استمتعوا ودايما خذوا الامور براحة خطوات صغيرة ورا بعض ❤️
انا على انستجرام هنا لو تحبوا.
