مدونة رامي رؤوف حليم

انا اسمي رامي رؤوف، علاء صديقي و بعتبره اخويا وشريكي من سنين طويلة في الأفكار في التكنولوجيا في السياسة في حلم التغيير في المطبخ.. حاجات كتير اتعلمتها منه وحاجات كتير عملناها سوى..علاء بقالة فترة في السجن بسبب أحلامه وآراءه والاسبوع ده عيد ميلاده ال40.. التنين البمبي اسم علاء وسط اصحابه واونلاين وهو واحشني فوق الوصف. النهارده انا اخترت 3 نصوص من كتابات علاء اشاركها معاكم في أمسية قراءة كتابه الجديد واحب اشكر كل المنظمين على الدعوة وإتاحة المساحة.. كل فقرة بتعبر عن جوانب مختلفة من شخصيته وحياته والحاجات المهمة بالنسباله وأشجعكم قبل ما ابدأ القراءة اشتروا كتاب علاء. نصف ساعة مع ابنى خالد - 19 ديسمبر 2011 نفرح بالزفاف لأنه زواج. نحزن فى الجنازة لأنه الموت. نحب المولود لأنه إنسان ولأنه مصرى، ينفطر قلبنا على الشهيد لأنه انسان ولأنه مصرى. نذهب للميدان لنكتشف أننا نحب الحياة خارجه، ولنكتشف أن حبنا للحياة مقاومة. نجرى نحو الرصاص لأننا نحب الحياة، وندخل السجن لأننا نحب الحرية. البلد هو ما نحب وما نحيا، ما يفرحنا وما يحزننا. لو سقطت الدولة لن يبقى فقط الميدان، ستبقى محبة الغريب وكل ما دفعنا لل...

I want to take a moment and tell you about my friend, brother and mentor Alaa Abd el-Fattah. Alaa means alot to me on a personal level, and part of who I am today is because of him. The times we spent in the kitchen, living room and streets crafting ideas, organizing things, shaping possibilities, volunteering our tech skills to help whatever cause or group crossed our path along with redefining technologies with hopes and dreams. He is arguably the most high-profile political prisoner in Egypt, if not the Arab world, rising to international prominence during the revolution of 2011. A fiercely independent thinker who fuses politics and technology in powerful prose, an activist whose ideas represent a global generation which has only known struggle against a failing system, a public intellectual with the rare courage to offer personal, painful honesty, Alaa’s voice came to symbolize much of what was fresh, inspiring and revolutionary about the uprisings that have defined the last decade...

الجمل دي مكنش سهل عليا اكتبها واشاركها وفي لحظات من الكتابة كنت بدمع أمل وخوف وتوتر وتأثر بكلام الناس وحبها.. ناس كتير اعرفها ومعرفهاش تواصلوا معايا اخر كم أسبوع وقالولي: انا كمان بحاول.. وحكولي تجاربهم.. وبدأنا نشارك بعض رحلتنا في العلاج والتعافي. بكل الفروق في ظروفنا وتجاربنا ومجالات الحياة في آخر المطاف كلنا مرينا برحلة مشاعر متقاربة وخلاط. وعشان اشجع نفسي، وعشان اشجع غيري قررت اني اتكلم اكتر على ما اد ما اقدر عن رحلتي مع التعافي.. حاول يبقي عندك تقدير للحكي ومتسألنيش تفاصيل عشان ده مرهق ومش بيساعد.. السبب الرئيسي اني اشجع غيري: التعافي طلع ممكن حتى لو شكله وهمي وصعب وخيال علمي وغرقانين في نقطة مظلمة. لو فقدتوا أمل في الحياة ونفسكم زي انا ما حصل معايا ودرجات من الاكتئاب ومشاكل مصاحبة بقيت جزء من حياتنا عايز اقولكم ده مش اخر الطريق وانتم مش لوحدكم. انا في اخر 4 سنين اتحط عليا جامد بالطول والعرض على مستويات مختلفة وحصلي أزمات صحية وذهنية ونفسية مش سهلة وفقدت حاجات جوهرية في حياتي والتعافي مشوار شامل مش إجراء ميكانيكي. انا غرقت كليا في تروما الفقدان والهزيمة، واكتئاب سياسي وعزلة اجتماع...

 الأشرار حاولوا مرتين يشغلوني معاهم في عز ما كنت بعمل أبحاث عن نظم المراقبة وأثناء المكالمة الثانية بعد تهديد الضابط "هنيجي ناخدك" قولتله اتفضلوا.. وقلبي قالي حان وقت زيارة الوحش لاني صدقته انهم جايين.. دي صور من يوم اقتحام بيتي.. قررت اني انظفه واروقه واكون في انتظارهم ومش هصور اللي حصل بعدها عشان مش عايز افتكر العنف بصريا.. ما بين أكتوبر ونوفمبر ٢٠١٦ تعرضت لضغوطات أمنية كانت أول مرة اختبرها شخصيا. جزء من شغلي اني بقيم مخاطر للناس وبصمم خطط سلامة وبروتوكولات حماية.. وعشان مفيش ناس كتير في المجال ده انتهي بيا الحال اني اشتغلت وساعدت آلاف الناس من كل الأطياف والمهن من ٢٠١٠.. دايما شايف وظيفتي زي بتوع صيدلة، مش لازم احبك ولا اقتنع بشغلك عشان انصحك في مواجهة تهديدات ومخاطر هطولنا كلنا مع الوقت. الأشرار في ٢٠١٦ جتلهم فكرة نميسة ان بدل ما يستهدفوا ناس كتير مش عارفين يخترقوهم ويراقبوهم طب ما نستهدف شخص واحد بتاع السلامة والحماية وهو اكيد معاه المفاتيح وعارف كل حاجة ونخلص. زي ما عملت للناس عملت لنفسي. دايما كان عندي خطة طوارئ وفي البيت شنطة سفر صغيرة جاهزة اي لحظة اقدر اسافر لو الظر...

 من صغري وانا عندي تحديات في اني اعمل صداقات وعلاقات اجتماعية دايما كان في مشاكل اني اعمل صحاب من مراحل مبكرة واستمرت معايا لغاية دلوقتي. صحيح بحكم وظيفتي وشغلي في مئات الناس اعرفها وتعرفني بس علاقتنا لا تتجاوز الخدمات التقنية أو علاقة مهنية محددة. مش ناس قريبة مني اقول عليهم صحاب راحة والناس اللي كانوا موجودين فقدتهم عشان اضطريت اتنقل كتير أو اتصدمت فيهم. من مراحل المراهقة بقي عندي أصدقاء خياليين ورفاق من مخيلتي مع زيادة صعوبة اني اعمل صحاب في العالم الحقيقي اكتر واكتر. اظن عشان كده اخواتي أقرب أصحاب ليا عشان صحاب بجد ومن صغري نفسي يكبروا عشان اتكلم معاهم. وبعدين قابلت صحاب جمال وحبيتهم باخلاص وتخيلت ان الدنيا بقيت اظرف لوجود صحاب كانوا في خيالي بس طلعوا ممكن يبقوا في الحقيقة. ومؤخرا من سنتين تلاتة كانت جزء من صدماتي اني بدأت أدرك شوية شوية اني متوهم الصداقات الي كانت موجودة أو اعتبرتها ركيزة وانه الحقيقي أغلبهم سراب وكنت دايما متخيل انهم حقيقيين عشان انا كنت بعاملهم زي ما كنت بعامل صحابي الخياليين من الطفولة.. وعشان مفتقد تفاعلات إنسانية.. أتعودت مع شوية غضب اني أكون أنيس نفسي وخ...

 ما بين هوتميل وجيميل وبروتون مفروض نعمل ايه ونتسعمل ايه؟ مين امان اكتر وهل استخدام خدمة بعينها كفاية؟  . الحلقة كاملة: View this post on Instagram A post shared by Ramy Raoof رامي رؤوف (@ramycarmella)

  جبتلي هدية عجلة جديدة بقالي فترة عينيا عليها عشان أنقل التمرينات والرحلات لمستوى جديد من المرح والاستكشاف: دراجة ريڤرسايد 740TR - الهيكل ألومنيوم خفيف وتشيل أوزان حمولات مستريح - السرعات 30 (3 أمامي في 10 خلفي) - الفرامل هيدروليك فشيخة - والعجلات 28 بوصة مصممة لكل أشكال الطرقات الثبات. هقدر أعمل بيها مسافات خزعبلية وتمرينات أكثر والأهم أريح. وجبت كمان عدة تخييم جديدة ملائمة للتنقل السريع والحركة. جبتها النهارده وعملت اول رحلة قصيرة (20كم) أجرب العجلة.. خطيرة مفيش كلام.

 وقتها بدأت اطلع برا القاهرة كل ما اقدر اعقد شهرين اغير حالتي المزاجية واقضي وقت اكتر على غرود الصحراء وألعب في أمواج البحر اصفي قلبي.. في ٢٠١٤/٢٠١٣ كانت بداية مشاكلي النفسية اللي وعيت عليها متأخر. وقتها قررت التطوع في كامب ضيافة بدوي أساعد في الطبخ والتنظيف وتسكين الضيوف واجيب زوار من باب تشجيع الكامب. كنت كمان بعتني بخلفة كلاب جديدة وكانت أول مرة جرو صغنن يفتح عينيه وانا شايله في كف ايدي. وقتها كانوا ١٠ كلاب، الأم وعيالها من خلفتين. كنت لوحدى كالعادة ومركز في حالي وبتعرف على نفسي. في يوم ما خلصت مهام التنظيف وتأكيل الكلاب وتحضير شبكة الصيد في البحر وقعدت في هدوء مع الكلاب وصفنت يبدو لساعات.. فجأة لقيت بنوته جميلة بتتمشي ناحيتي بهدوء وطاقتها سحرية.. عليها ابتسامة صافية وماسكه ورقة.. قربت مني ومن غير ما تتكلم مدت ايدها بتديني الورقة.. قلبي انشكح حسيت بحب ورحابة.. البنت كان بقلها شوية قاعدة بترسمني في هدوء واول مرة اشوف نفسي بشكل مختلف.. البنت حسستني بطمأنينة وكأنها بتقولي انت مش لوحدك انا كمان هنا.. حسيت اد ايه انا محظوظ والألفة في القلب راحة.. قولتلها بطفولة وعفوية انا اسمي رامي ق...

كنت قررت وقتها اني هاخد سنة وقت مستقطع أركز على التعافي والتأهيل والتفكير.. وواحدة من المواضيع الكتير اللي كنت عايز افكر فيها تحديد معايير تساعدني اختار انا هشتغل فين وايه، وبقالي فترة طويلة بفكر عايز اعمل ايه لمدة 4-5 سنين و أولوياتي. الفترة دي بدأت استقبل عروض وادخل مفاوضات.. حبيت اشارك معاكم محددات شخصية بتساعدني في القرار.

  انا عارف من 4 سنين تقريبا أن حالتي النفسية والذهنية في انحدار تدريجي ﻷسباب كوكتيل ووصلت بيا لمنطقة مؤلمة وسيئة جدا اكلتني.. كنت فاهم إني محتاج وعايز أسخر وقت وجهد وفلوس عشان اشتغل على إعادة تأهيلي. اشتغلت زي المجنون في تخصصي وحرقت نفسي في الشغل عشان احوش فلوس كفاية تخليني اخذ سنة واحدة كاملة وقت مستقطع من الشغل اتفرغ كليا لإعادة تأهيل نفسي وجسدي وذهني. عايز اكمل حياة وانا قوي وقادر اساعد غيري والاقي أمل في أبسط الأشياء وعشان اكون قادر لازم اعمل ده لنفسي.. وبدأت أعمله. استقلت من كل الشغلانات وخرجت من كل الدواير والعلاقات الاجتماعية اللي اذتني واحتفظت بقدر من العمل التطوعي القريب لقلبي. قبل ما اعمل الطلعة دي قعدت سنة ونص بعمل اجتماعات مع تقريبا 12 أخصائي نفسي ومعالج بدني وأطباء رعاية شامل من العالم من مدارس طبية ونفسية مختلفة (جنوب أفريقيا / أرجنتين / لبنان / مصر / كوستاريكا / هولندا / أمريكا) عشان اتعلم وافهم أنماط العلاج ومفاتيح كل مدرسة.. مش عايز امشي ورا نموذج بعينه وانا احسن شخص يساعدني وعارف مريت بايه وعايز اتعرف على المدارس واشوف الانسب ليا.. على مدار 15 شهر تقريبا من اجتماع...

وقتها كنت جزء من مجموعات ومبادرات مواجهة اعتداءات جنسية جماعية في التجمعات والمظاهرات في القاهرة على مدار الفترة بين 2013 و2016.. كنت متطوع ما بين تنظيم تدخلات ميدانية وبين مراجعة عشرات الشهادات المكتوبة من ناجيات الاعتداءات الجنسية وتحضيرها للنشر على نحو آمن بحيث هويات الناجيات أو الراويات متتعرفش من خلال أي هندسة عكسية على محتوى الشهادات لتحديد معرفات شخصية..كنت في الأول عامل نظام شخصي لترقيم الشهادات اللي بتجيلي من كل المبادرات عشان اراجعها من ناحية الخصوصية وبطلت اعد بعد ما وصلت لرقم 170.. ليلتها كان في اعتداءات كتير فوق طاقة مجموعات التدخل والمتطوعين.. نزلت اساعد.. واحنا بنساعد البنت المستهدفة أنا والمجموعة اخدنا ضرب مبرح وكانت اشتباكات عنيفة فجاة لقيت دم كتير عليا ومكنتش قادر اميز ده دمي ولا دم البنت ولا مين من كتر اندفاع الأدرينالين وانفعالي..لحظات كمان وأدركت انا برجع دم كتير.. في لحظتها بصيت لزميلتي وزميلي قلتلهم يلا نشيل البنت بسرعة ونخرج من الممر الآمن عشان انا محتاج تدخل طبي وغالبا البنت مفشوخة واحنا مش شايفين من الزحمة والضرب. روحت المستشفى وعرفت اني اخدت ضرب قوي في معدتي ...

  قصة عايز اشاركها من وقتها بس مكنتش قادر..اخدوني في لحظة ولقيت نفسي على قائمة ترقب وصول ومطلوب أمنيا.. حطوني في غرفة حبس مؤقتة بدون مصادرة أي متعلقات لحين بيان وضعي من الأمن.. دخلت الحبس لقيت 22 شخص ما يين عليهم قرار ترحيل أو عودة او قبض، 20 شخص كانوا من منطقتنا وشخصين كانوا أجانب. أول سؤال يطرح عليا منهم بهزار: معاك كهربا؟ فهمت منهم الاوضة المؤقتة بدون فيش كهرباء وكلهم معاهم هواتف خالية من الشحن بقالهم 3-4 ايام مش عارفين يتواصلوا مع أهاليهم نهائي.. بعد ما استوعبت اللي بيحصلي والسياق هديت حالي وقررت اشغل نفسي واساعدهم.. بهدوء شديد قعدت في الزاوية طلبت منهم يتكلموا عادي محدش يسألني اي حاجة وادوني شوية وقت كل حد هيقدر يكلم اهله للطمأنينة كل حد يخلي المكالمة في حدود دقيقتين وعرفوني بس لو ضابط جي.. كان معايا شنطتي معدات وألعاب تقنية.. عملت hub كهرباء اشحن 4 موبايلات في المرة وعملت شبكة إنترنت واي فاي جوا الحبس وكل شخص فعلا كلم أهله وعياله ودخل على النت شوية.. كان في سعادة وابتهاج ممزوجين بدموع لدقائق مع سماع صوت الأهالي.. بعدين الأمن اخدني وحطني حبس انفرادي.. في وقتها حسيت بانشكاح وقو...

قصة شخصية جدا اول مرة احكيها على بعض وفخور بيها.. انفصال مامتي عن والدي ﻷنه بيجمع كل صفات الشر والعنف كان من أهم الحاجات اللي حصلت في حياتي وقدرت جمالها و ثمارها اني بقيت انسان أحسن في المستقبل.. وقتها لقيت نفسي فجأة بقيت مسئول عن اخواتي (انا اكبر منهم بـ6 سنين) مع ماما في التربية والمصاريف ولقيت مسؤوليات كبيرة على كتافي واصرار اني عايز اساعد ماما ولازم أخواتي تكون فرصهم احسن.. بعد أول \ تاني سنة جامعة أخدت أول قرار مهم في حياتي بنفسي إني أسيب الجامعة عشان مش مستريح لجودة التعليم وعشان لازم اصرف على نفسي وابدأ شغل اساعد كمان في مصاريف العائلة وتعليم اخواتي مع ماما.. قررت افتح سايبر كافيه بعد ما اشتغلت شوية في سنترال ومكتبة ومطعم، وأسست أول سايبر قائم على برمجيات حرة مفتوحة المصدر وفي نفس الوقت قررت إني هكون إبن التعليم الذاتي والمنزلي وهعمل مناهج لنفسي في مجالات مختلفة أحب ادرسها واعلم نفسي بنفسي. عملت كده لمدة 6 سنين. درست لوحدي علوم حاسبات ومعلومات ودرست فنون التعمية والرياضيات، ودرست فيزياء زائد قانون دولي لحقوق الإنسان وفي الاخر درست شوية اعلام وصحافة. كنت بشتغل في السايبر بالنهار ...

Remember there is an entire ecosystem that relies on Tor including web browsers, chat apps, tools for privacy, security & anti-censorship. We want to support our developers finding and fixing bugs that range from anti-censorship development, testing, onion services, design changes and documentation. We launched Tor’s Bug Smash Fund to raise money to keep Tor safe and stable. Help us and donate no matter how much; it will help: https://donate.torproject.org and I thank everyone in advance for your support .  if you are interested to learn more,  i encourage you to check out some useful information curated by Tor team:  Strength in Numbers: An Entire Ecosystem Relies on Tor:  https://blog.torproject.org/strength-numbers-entire-ecosystem-relies-tor   Help Tor Smash Bugs: August 1-31:  https://blog.torproject.org/tors-bug-smash-fund-2021

 

 

اهلا بيكم في حلقة جديدة من حماية سمارت عالواقف.. أوقات كتير بنحاول نقارن ما بين تطبيقات مختلفة عشان نعرف نستعمل انه تطبيق في أي موقف ومع أنه ناس سواء شغل او اصحاب او عائلة إلى اخره. المرة دي هنختار واتساب وماسنجر ونوضح ببساطة الفرق من حيث: حماية حسابك - استرجاع حسابك - خصوصية المحادثات والمكالمات - ملكية بياناتك. الحلقة: View this post on Instagram A post shared by Ramy Raoof رامي رؤوف (@ramycarmella)  حلقات سابقة مرتبطة بالموضوع: *  حلقة 7 | كيفية اختراق مستخدمي واتساب وطرق الحماية . *  حلقة 4 | حماية فيسبوك 6 خطوات في السريع .

اهلا بيكم في حلقة جديدة من حماية سمارت عالواقف.. في الحلقة دي هنتعرف على أنواع هاكينج اللابتوبات اللي الناس ممكن تتعرض لها بشكل عام على الانترنت، ونفهم سوى أكتر نوع غالبية الناس بتتعرض له على الفيسبوك وباقي المواقع، مع شوية نصائح عامة لتقليل المشاكل. الحلقة كاملة: View this post on Instagram A post shared by Ramy Raoof رامي رؤوف (@ramycarmella) شوفوا الحلقات السابقة اللي بتغطي موضوعات عن الحماية في عالم الانترنت على قناة انستجرام:

For those who want to use the internet and stay unnoticed and safe from their abusive partner, work networks, state adversaries, censorship agencies.. For those who are living and working in high-risk physical surveillance, under heavy network censorship, or on a poor Internet connection: i want to tell you about the new version of Tails. First of all, Tails is a portable operating system that protects against surveillance and censorship, you download and install it on a USB stick, plug the usb, reboot your laptop to a live-temporary system that is privacy oriented, do your online activity normally and once you unplug no traces or tracks. What is important about the new version? It includes a new Tor Connection Assistant which helps you to go unnoticed if using Tor could look suspicious to someone who monitors their Internet connection and it allows people who need to connect to Tor indirectly using bridges. To learn more about Tails and download visit https://tails.boum.org and to le...

  السلطات الأمنية في القاهرة بدأت من فترة، من خلالنا سفاراتنا في مدن أوروبية، باستهداف المصريين العاملين والدارسين في مجالات بحثية وصحفية وتقنية مختلفة، وذلك من خلال تعطيل عملية استخراج أوراق رسمية (زي مثلا شهادات ميلاد - توكيلات قانونية) أو الامتناع عن تسليم تجديد مستندات رسمية (زي جوازات السفر)، ومن خلال تقارير متابعة أمنية بتستخدم في قوائم ترقب الوصول في مطارات مصر. النمط ده من الاستهداف بدأ من تقريبا 4 سنين وحاصل في مدن من ضمنها برلين، لندن، باريس. وفيه عشرات الحالات إن مكنش أكتر. وبطبعية الحال، في خوف وتوتر شديد من الكلام في الموضوع ده من أصحاب الشأن أولا ﻷنها ممارسة جديدة غير مفهومة كليا وثانيا على أمل الناس تعرف تحل أوضاعها وتشوف أهاليها.. مهم نعرف دلوقتي ان ده بيحصل وبيحصل لناس كتير Egyptian security in Cairo started from few years through the Egyptian Embassies in European cities, targeting Egyptians who are studying and working in various research, journalism and technology fields, by blocking the process of issuing official documents (such as Birth Certificates - Power ...

  هدية عيد ميلادي لنفسي تاتو فيل أفريقي تخليدا لمن جعلتني ممكنا.. الست اللي خلتني أصدق في الممكن.. الست اللي علمتني الحياة والعناية والحب المطلق: أمي My birthday gift to myself is African Elephant tattoo in the honor of the woman who made me possible.. who made me believe in possibilities.. who taught me life, care and unconditional love: My Mother

 

على مستوى العالم الأبحاث العلمية بتقول إن في 25 طريقة فنية في حجب المواقع في آخر 15-20 سنة على مستوى العالم. الأبحاث كمان بتقول إن مصر فيها تقريبا 12 نوع منهم على مدار آخر 3-4 سنين. مستخدمي الإنترنت في مصر محتاجين يتعرفوا على تقريبا 5 أو 7 طرق ونصائح للوصول للمواقع المحجوبة والتعامل مع الحجب بسلاسة. خلينا نفتكر تنفيذ الحجب مش زي بعضه في كل مدن مصر. حجب المواقع في القاهرة غير إسكندرية غير المنصورة غير أسوان، ده معناه ان تجاوز الحجب والحلول تختلف من شخص للتاني حسب هو أو هي في أي مدينة وعلى أي شركة. اتكلمنا في حلقة رقم 9 عن تجاوز الحجب من على اللابتوب وقدمنا 3 حلول . الحلقة دي هنشرح طريقتين لزيارة مواقع محجوبة من على الموبايل: تطبيق متصفح تور - تطبيقات شبكة افتراضية خاصة (VPN). الحجب بيحصل ازاي الحلقة: View this post on Instagram A post shared by Ramy Raoof رامي رؤوف (@ramycarmella)